बाह्रदशी गाउँपालिका कोशी प्रदेश, मेची अञ्चल, झापा जिल्लाको दक्षिणी भेगमा अवस्थित एक सुन्दर र सम्भावनायुक्त स्थानीय तह हो। नेपाल सरकारको पछिल्लो राज्य पुनरसंरचना २०७३ ले साविक गाउँ विकास समितिहरू राजगढ, चकचकी र डाँगीबारी लाई समावेश गरी यस गाउँपालिकाको नामकरण गरिएको हो।

भौगोलिक अवस्थिति र विवरण

समुन्द्र सतहबाट ७७ मिटरको उचाइमा रहेको यस गाउँपालिकाको समतल भूमि कृषि उत्पादनका लागि अत्यन्तै उर्वर मानिन्छ। यसको कुल क्षेत्रफल ७८.४४ वर्ग कि.मी. रहेको छ।

सामाजिक, सांस्कृतिक र आर्थिक अवस्था

यस गाउँपालिकाभित्र विभिन्न धर्म, संस्कृति र सम्प्रदायका मानिसहरूको सौहार्दपूर्ण बसोबास रहेको छ। दक्षिणी भागमा विशेष गरी आदिवासी जनजातिको बाहुल्यता रहेको छ भने मध्य र उत्तरी भागमा मिश्रित जातिको बसोबास छ। यहाँका अधिकांश नागरिक कृषि पेशामा आबद्ध छन्। धान, मकै, गहुँ र तोरी यहाँका मुख्य बाली हुन्। पछिल्लो समयमा व्यावसायिक तरकारी खेती र पशुपालनमा पनि आकर्षण बढेको छ।

यस गाउँपालिकाका मुख्य व्यापारिक केन्द्रहरू निम्न अनुसार छन्:

• राजगढ बजार: गाउँपालिकाको दक्षिण भेगको प्रमुख व्यापारिक केन्द्र।
• चकचकी बजार: गाउँपालिकाको मध्य भागमा रहेको बजार।
• डाँगीबारी बजार: उत्तरी भेगको मुख्य बजार।

वडागत विस्तृत विवरण

यस गाउँपालिकालाई प्रशासनिक सहजताका लागि ७ वटा वडामा विभाजन गरिएको छ। जसको विस्तृत विवरण तलको तालिकामा प्रस्तुत गरिएको छ: